𖼖𖽡𖾐 𖼀𖽑𖽙 𖼷𖽻𖾐 𖼺𖽪𖾑

        𖽃𖽔 𖼈𖽜 𖼊𖽑𖽙 𖼮𖽑𖽻𖾐 𖼊𖽑𖽡 𖼦𖽑𖽙𖾐 𖼞𖽑𖽚 𖽃𖽙𖾑 𖼄𖽺 𖼖𖽙𖾐 𖼮𖽑𖽡𖾐， 𖼖𖽡𖾐 𖼀𖽑𖽙 𖼺𖽪𖾑 𖼂𖽕𖾐 𖼄𖽔 𖼮𖽻𖾐． 𖽃𖽔𖾐 𖼺𖽺𖾑， 𖼖𖽡𖾐 𖼀𖽑𖽙 𖼞𖽪𖾐 𖼮𖽡𖽺𖾐 𖼐𖽺𖾐 𖼄𖽶 𖼂𖽺𖾑 𖼄𖽡𖾐 𖼂𖽺𖾑 𖼞𖽪𖾐 𖼮𖽡𖽺𖾐、𖼷𖽑𖽻𖾐 𖼻𖽳𖾐 𖼮𖽻𖾐 𖼮𖽡𖽺𖾐、𖼮𖽑𖽡 𖼹𖽶𖾐 𖼐𖽜𖾐 𖼰𖽳𖾑 𖼞𖽑𖽙𖾐 𖼣𖽻𖾐 𖼞𖽑𖽙𖾐 𖼳𖽶 𖼄𖽡𖽻 𖼮𖽨𖾐， 𖽃𖽔𖾑 𖼊𖽦 𖽃𖽶𖾐、𖼄𖽡 𖼞𖽚 𖼞𖽚、𖼄𖽡 𖼷𖽑𖽡𖾐 𖽃𖽡𖾑、 𖼊𖽻 𖼖𖽡 𖼦𖽑𖽺 𖼞𖽳𖾐 𖼄𖽪𖾐 𖼊𖽪𖾐 𖼻𖽜 𖼺𖽺𖾑， 𖼊𖽑𖽡 𖼹𖽦𖾐 𖼦𖽑𖽺 𖼊𖽑𖽡 𖼹𖽦𖾐 𖼹𖽨𖾐， 𖼊𖽑𖽡 𖼹𖽦𖾐 𖼮𖽻 𖼊𖽑𖽡 𖼹𖽦𖾐 𖼄𖽪𖾑， 𖼦𖽺𖾑𖽑 𖼻𖽻𖾐 𖼮𖽑𖽡𖽺 𖼹𖽦𖾑 𖼹𖽺𖾐 𖼖𖽻𖾐 𖼺𖽪𖾐 𖼣𖽻𖾐．

       𖽃𖽔 𖼖𖽙𖾐 1903 𖼞𖽑𖽚 𖼞𖽶𖾑𖽑 𖼮𖽶𖾐， 𖽂𖽙 𖼺𖽙𖾐 𖼂𖽙𖾐 𖼽𖽻 𖼹𖽡𖾐 𖼖𖽦 𖼊𖽑𖽺 𖼹𖽡𖾐 𖼂𖽻𖾐 𖼖𖽻𖾐， 𖼄𖽢 𖼮𖽑𖽡𖽪 𖼦𖽑𖽺 𖽃𖽔 𖼐𖽺𖾑 𖼰𖽨𖾐， 𖼰𖽡𖽘𖾑 𖼦𖽪𖽺𖾑 𖼊𖽴𖾐 𖼍𖽙𖾑， 𖼦𖽑𖽔𖾐 𖼖𖽺𖾑 𖼖𖽡𖾐 𖼀𖽑𖽙 𖼺𖽪𖾑 𖼂𖽕𖾐 𖼹𖽸𖾑．

      《𖼖𖽡𖾐 𖼀𖽑𖽙 𖼺𖽪𖾑 𖼂𖽕𖾐》 𖼦𖽺𖾑𖽑 𖼊𖽑𖽡 𖼂𖽜 𖼍𖽴 𖼠𖽚 𖼞𖽳 𖼈𖽪𖾐 𖼺𖽝𖾑 𖼮𖽻𖾐 𖼖𖽚𖾐 𖼺𖽪𖾐 𖼳𖽪𖾑 𖼰𖽪𖾐 𖼊𖽑𖽡 𖼽𖽚𖾐 𖼂𖽻𖾐 𖼮𖽨𖾐 𖼄𖽪𖾑 𖼞𖽜 𖼺𖽺𖾑， 𖼂𖽺𖾐 𖼊𖽑𖽧 𖼖𖽻𖾐 𖼺𖽪𖾐 𖼣𖽻𖾐．