𖼀𖽦𖾐 𖼀𖽑𖽪𖾐

𖼣𖽙𖾐 𖼈𖽳𖾐 𖼖𖽡𖾐 𖼀𖽑𖽙 𖼣𖽻𖾐, 𖼠𖽳𖾐 𖼖𖽳𖾐 𖼺𖽺𖾑 𖽂𖽙 𖼺𖽙𖾐 𖼂𖽙𖾐 𖼮𖽜𖾐 𖼀𖽑𖽙 𖼣𖽻𖾐. 𖽂𖽙 𖼺𖽙𖾐 𖼂𖽙𖾐 𖼐𖽑𖽧𖾐 𖼮𖽡𖽻𖾐 𖼠𖽺𖾑 𖼻𖽜 𖼞𖽜 𖼺𖽺𖾑, 𖼣𖽙𖾐 𖼈𖽳𖾐 𖼳𖽨𖾐 𖼹𖽳𖾐 𖽂𖽙 𖼐𖽑𖽡𖾐 𖼖𖽙𖾐 𖼣𖽜𖾐 𖼄𖽡𖽻 𖼦𖽺𖾑𖽑 𖼹𖽻𖾐 𖼂𖽺𖾐. 𖼦𖽺𖾑𖽑 𖽂𖽙 𖼺𖽙𖾐 𖼂𖽙𖾐 𖽃𖽶𖾐 𖼄𖽳𖾐 𖼺𖽺𖾑, 𖼣𖽙𖾐 𖼈𖽳𖾐 𖼖𖽡𖾐 𖼀𖽑𖽙 𖼖𖽙𖾐 𖼀𖽙𖾐 𖼂𖽺𖾐 𖼺𖽪𖾐 𖼣𖽻𖾐, 𖼣𖽙𖾐 𖼈𖽳𖾐 𖼊𖽑𖽡 𖼳𖽶 𖼀𖽦𖾐 𖼊𖽪𖾐 𖼄𖽔 𖼮𖽻𖾐, 𖼞𖽪𖾐 𖼮𖽡𖽺𖾐 𖼦𖽺𖾑𖽑 𖼂𖽺𖾐 𖼷𖽻 𖼳𖽶 𖼣𖽻𖾐. 𖼦𖽺𖾑𖽑 𖼠𖽻𖾐 𖼞𖽑𖽶𖾐 𖼄𖽔 𖼖𖽚 𖼊𖽪 𖼐𖽺𖾐 𖼄𖽔 𖼀𖽑𖽢 𖼊𖽪 𖼐𖽑𖽡𖾐 𖼐𖽦𖾐 𖼄𖽡𖽻𖾐 𖼊𖽡𖾑𖽑 𖼣𖽻𖾐, 𖼣𖽙𖾐 𖼈𖽳𖾐 𖼖𖽙𖾐 𖼀𖽦𖾐 𖼄𖽪𖾑 𖼞𖽜 𖼖𖽡𖾐, 𖽃𖽔𖾐 𖼺𖽺𖾑 𖼣𖽙𖾐 𖼈𖽳𖾐 𖼷𖽜𖾑𖽑 𖼷𖽑𖽜𖾐 𖼹𖽳𖾐 𖼄𖽙𖾐 𖼂𖽺𖾐 𖼂𖽚𖾐 𖼊𖽻𖾐; 𖼣𖽙𖾐 𖼈𖽳𖾐 𖼦𖽑𖽔𖾐 𖼖𖽺𖾑 𖼐𖽑𖽡𖾐 𖼈𖽳𖾐 𖼖𖽙𖾐 𖼮𖽑𖽡 𖼮𖽡𖽺𖾐, 𖼄𖽔 𖼐𖽙 𖼖𖽡𖾐 𖼀𖽑𖽙 𖼖𖽙𖾐 𖼀𖽙𖾐 𖼍𖽻 𖼠𖽘𖾑 𖼞𖽜, 𖼣𖽙𖾐 𖼈𖽳𖾐 𖼖𖽙𖾐 𖼀𖽙𖾐 𖼖𖽺𖾑 𖼍𖽻 𖼠𖽘𖾑 𖼞𖽜, 𖽃𖽔𖾐 𖼺𖽺𖾑 𖽃𖽔 𖼐𖽺𖾑 𖼄𖽳𖾑 𖼄𖽳 𖼞𖽜 𖽂𖽙𖾐 𖼮𖽑𖽪𖾐 𖼮𖽑𖽻 𖼍𖽪𖾐 𖼖𖽻𖾐 𖼖𖽡𖾐.𖼄𖽶 𖼠𖽻𖾐 𖽃𖽔 𖼀𖽙 𖽂𖽙 𖼺𖽙𖾐 𖼂𖽙𖾐 𖼊𖽑𖽺 𖼮𖽡 𖼽𖽡𖾑 𖼀𖽶, 𖼺𖽡 𖼀𖽑𖽙 𖼷𖽺𖾐 𖼐𖽙𖾑 𖼣𖽜 𖼻𖽳𖾐 𖼻𖽳𖾐 𖼐𖽑𖽡𖾐 𖼈𖽳𖾐 𖼖𖽙𖾐 𖼮𖽑𖽻𖾐 𖼮𖽻𖾐 𖼞𖽜. 𖽃𖽔 𖼄𖽜!

傈坡泰国4X3.jpg